CÜSINA ÈGIA di Mario Rota

Cucina vecchia

La stansa dóe che m’gh’éra la cüsina l’éra sé e no ü sédes méter quàder e ‘n piö la fàa de sala, bagn, cantina, per quatórdes fradèi, pàder e màder. Difati, vòt fradèi e sés sorèle a m’sé cressìcc lé, strécc come sardèle. Sèmper in guèra co la nòsta pansa i nòs-cc i se fàa ‘n sènto per pasiàm come bandéra m’gh’éra la speransa e la parola d’ùrden l’éra… fam! Pòta, s’sa bé, a l’l’avrèss vést a ü òrb póche a laurà e tance a ‘ndà de còrp… Quace süspìr denàcc a chèl camì quando che m’se ‘ncuaciàa ‘n di sire grise a dì ol Rosare grancc e picinì i öcc incantàcc de sura i fiame amise; piene d’invìs i nòste Avemarie i ‘ndàa sö dré a la capa coi falìe. A i éra tép balùrcc, gh’è póch de dì a’ se a pensaga incö l’ pöl fà marvèa però mè dìl: se öt l’era ‘l bursì a l’ rimediàa ‘l calùr de la famèa; calùr che l’manca incö e motivo in fónd, de töt ol cotobói che gh’è in del mónd. Se gh’è ü laùr che l’me fà dispiassér l’è quando ède e chèsto in tante cà che i s-cècc, poerì , i è come presunér no i pöl gna möes e no i pöl piö zögà. A i a ‘ncadéna lé al televisùr e sé che i stanse adèss i è piö de lur Alura l’éra mèi chèla cüsina chèl nì fàcc de fadighe e sacrefésse ma pié de pas compàgn d’öna cesina, in dó i mé genitùr, che benedésse, i m’ha insegnàt a iga rierènsa per la poertà, la crus e la Proidènsa.

La stanza dove avevamo la cucina era sì e no un sedici metri quadri in più faceva da sala, bagno, cantina, per quattordici fratelli, padre e madre. Difatti, otto fratelli e sei sorelle siamo cresciuti lì, stretti come sardine. Sempre in guerra con la nostra pancia i nostri si facevano in cento per quietarci come bandiera avevamo la speranza e la parola d’ordine era… fame! Pòta, si sa bene, l’avrebbe visto anche un orbo pochi a lavorare e tanti ad andare di corpo. Quanti sospiri davanti a quel camino quando ci rannicchiavamo nelle sere grigie a dire il Rosario grandi e piccini gli occhi incantati sopra le fiamme amiche; piene di desiderio le nostre Avemarie salivano su per la cappa con le scintille. Erano tempi balordi, c’è poco da dire anche se a pensarci oggi può meravigliare però bisogna dirlo: se vuoto era il borsellino rimediava il calore della famiglia; calore che manca oggi e motivo in fondo, di tutto il guazzabuglio che c’è nel mondo. Se c’è una cosa che mi fa dispiacere è quando vedo e questo in molte case che i bambini, poverini, sono come prigionieri non possono né muoversi né giocare. Li incatenano lì al televisore e sì che le stanze adesso sono più di loro. Allora era meglio quella cucina quel nido fatto di fatiche e sacrifici ma pieno di pace come una chiesetta, dove i miei genitori, che benedico, mi hanno insegnato ad avere riverenza per la povertà, la croce e la Provvidenza.