PIASSA ÈGIA

Piazza Vecchia

Quando l'aria l'è 'mpó frègia prima amò che l'vègne dé, s'vèd i ròbe issé piö bé. 'Ntàt ol sul a l'se parègia a 'ndorà la Piassa Ègia. Gh'è ü merlòt che l'se repula pròpe 'n sima al Campanù, pò l'intuna öna cansù. Gh'ó pò a' mé ü pensér che sgula, se ghe föss al pòst per du. Sö 'n del cél, che l'è matina, sgula, sgula e dim perchè Bèrghem vólta, se la gh'è, l'è issé alégra e cicerina come 'l cör d'öna s-cetina! Ricamada de belèsse, stimagèta, acassibé che i memorie sò de lé, no i sées miga de carèsse, ma de guère e tirapé. Se i pödèss parlà a belase mür e préde sota-us e mé sito lé despùs, póch a póch col cör in brase, scoltà töt fin che l'me piase! Gh'è gna ön'anima 'n di strade. dré al Palàss de la Resù, pöderèss pròpe delbù, sura i préde ormai sberlade, sènt ol pass del Coleù. La fontana de la Piassa, ol regàl del Contari, la pöl miga scontradi. Bé per chèl la s'valsa e sbassa e la sbròfa 'l prim che passa! Góte d'aqua i par corài de 'nfilà fin che te öt, colanine despertöt. Sbrofolì che tass zó mai, ma i l'la cönta 'mpó a sò möd. Ura 'l sul a l'se inamura e l'ismicia zó de bass, ma l'sà mia 'ndó che pogiàs. Töt ol cél a l'se colura. L'è a' dominica fossura! Là, de là, gh'è dò colòne sö la schéna di leù dré ai colòne gh'è 'l portù dét in césa gh'è zà i dòne che i comènsa i orassiù. Pò la zét, che de storièle la sà miga cosa fàn, coi campane din, dòn, dan, la vé zó per i stradèle. Gh'è mia dé che no i sbordèle! Èco, adèss gh'è piö gna i storie che i te faghe streparlà Gh'è zà 'l sul sö la sità. I 'ncomènsa i nòste bòrie. Gh'è mia tép per i memorie. Gh'è piö tép gna de pensà! Gh'è zà 'l sul sö la sità.

Quando l'aria è un po' fredda, prima ancora che venga giorno, si vedono le cose molto meglio. Intanto il sole si prepara a indorare Piazza Vecchia. C'è un merlotto che si rifà le penne proprio in cima al Campanone, e poi intona una canzone. Ce l'ho anch'io un pensiero che vola, se ci fosse un posto per due. Su nel cielo, che è mattina, vola, vola e dimmi perché Bergamo Alta, se c'è, è così' allegra e chiacchierina come il cuore di una bambina! Ricamata di bellezze, vanitosa, sebbene le sue memorie non siano carezze, ma guerre e tirapiedi. Se potessero parlare piano muri e pietre sottovoce e io zitto là dietro, poco a poco con il cuore di brace, ascoltare tutto finché mi aggrada! Non c'è anima viva nelle strade. Dietro al Palazzo della Ragione, potrei davvero, sopra le pietre ormai rotte, sentire il passo del Colleoni. La fontana della Piazza, il regalo del Contarini, non può contraddire. Proprio per questo si alza e si abbassa e spruzza il primo passante! Gocce d'acqua. Sembrano coralli per infilare finché vuoi, collanine dappertutto. Spruzzi che non tacciono mai, ma se la raccontano un po' a modo loro. Ora il sole si innamora e spia giù da basso, ma non sa dove appoggiarsi. Tutto il cielo si colora. È domenica per di più! Là, dall'altra parte, ci sono due colonne sulla schiena dei leoni. Dietro alle colonne c'è il portone. Dentro, in chiesa ci .sono già le donne che iniziano le orazioni. Poi la gente, che non sa che farsene delle favole, al din don dan delle campane, scende giù per le strade. Non c'è giorno che non facciano bordello! Ecco, adesso non ci sono più neanche le storie a farti straparlare. C'è già il sole sulla città. Cominciano le nostre vanità. Non c'è tempo per le memorie. Non c'è neanche più tempo per pensare. C'è già il sole sulla città.