OL MÉ NEDÀL

Il mio Natale

Me se regórde bé i picù in di mà in chèla césa löstra per Nedàl: granda, ma sènsa di ótre qualità de s-cèt la me paria öna catedràl. La ragia sö l’altàr paràt a fèsta i précc in di piviài d’ór e d’arzènt i cereghècc che a l’ùrden del sagrésta i spand ol föm romàtech de l’incèns. Però quate emossiù quando i cantùr coi melodie piö dólse i me ninàa: me imaginàe zà grant là in mèss a lur e per incànt ol frècc a l’deleguàa. E m’respiràa l’amùr per ol Bambì a l’ passa i agn e l’crèss la nostalgéa per quando m’sìa piö intréch e piö poerì ma i nòs paìs a i éra compàgn d’öna faméa… E dopo söl segràt, finìt la messa coi sgrìsoi ‘ndòss, però col cör in pas me la tocàa delbù la contentèssa lontà sentìe ol baghèt…a lömentàs. In cà m’ bötàa ‘l zöèrnech sura föch e intàt che l’iscricàa coi sò ramèi dés gloria bisognàa di sö ‘n zenöcc per fà sugà i estine e i panisèi… I panisèi bagnàcc de chèl Bambì che amò po’ a’st’an a l’fà la gran marvéa de riturnà ché in tèra a fàm capì che töcc a m’sé fradèi che ‘l mónd l’è ‘na famèa…

Mi ricordo bene le fitte nelle mani in quella chiesa lustra per Natale: grande, ma senza altre qualità da ragazzo mi sembrava una cattedrale. La raggiera sull’altare parato a festa i preti nei piviali d’oro e d’argento i chierichetti che al comando del sacrestano spandono il fumo odoroso dell’incenso. Però quante emozioni quando i cantori con le melodie più dolci ci cullavano: mi immaginavo già grande in mezzo a loro e per incanto il freddo si scioglieva. Respiravamo l’amore per il Bambino passano gli anni e cresce la nostalgia per quando eravamo più ingenui e poveri ma i nostri paesi erano come una famiglia… E dopo sul sagrato, finita la messa con i brividi addosso, ma col cuore in pace la toccavamo per davvero la contentezza lontano sentivo la cornamusa lamentarsi. In casa buttavamo il ginepro sul fuoco e mentre scricchiolava con i suoi ramoscelli dieci gloria bisognava recitare in ginocchio per far asciugare vestitini e pannicelli… I pannicelli bagnati di quel Bambino che anche quest’anno fa la grande meraviglia di ritornare sulla terra per farci capire che tutti siamo fratelli che il mondo è una famiglia…