Fufi (L. Ravasio)

Fufi... l'è ol gèner de nòm che l'và giösto bé a ü bastardì che s' tróa in d'ü fossàt pié de zèche e de spì, perchè l' gh'ìa ü padrù galantòm. Per te l'éra assé öna carèssa, però te düsìt fà ol strigòss, ispórch de paciüch 'nsèma i s-cècc piö balòss: matòch, a te 'ndàet anche a messa. In césa, quietì in del prim banc t'é fàcc bestemià ol nòst sagrésta: de rabia a ghe bala la ésta e l' pèrd la sachèla di franch... "Pecàt!-i dìsìa- issé amàbel che l' par ol cagnì de S.Ròch, l'è impó tròp saàdech a l' gh'à del lifròch, ghe örèss ü padrù, ü tècc istàbel". E a fórsa de fà indà la cùa l'è riàda la sistemassiù in cà del strassér: i sò s-cècc i te cùa, ma ol tata a l'te dà i pessadù... La mama la te trata mèi però sö de lé ho sentìt dì che la lèa fò i gàcc, ma per fai indà in salmì, l'è bràa pò a fà sö i casonsèi... Ü dé i t'à cargàt sö la jeep sentìet i s-cètì che i pianzìa: "ol Fufi ‘ndó él? perchè a l' turna mia?" ma i t'éra zà bèla sperdìt. E issé t'é traersàt öna strada compàgn che te fàet al paìs, però sö l'asfalt s'è mia ést la frenada, i t'à tiràt sóta decìs. Ol bambo l'è al mar e ai sò s-cècc a l' gh'à prometìt: "Se stì bù ve tróe ü bèl noèl, ol Fufi l'éra ü barbù, ma guai fàl durmì in del vòst lècc...". Intàt a l'pensàa:"Se 'ndó in vacansa al lasseró indà apröf a l'Ada, l'è mèi ol canal che schissàt sö la strada, se l' mör me fó mia döl la pansa...". Ve fó la moral a la fì: gh' è 'n giro di bastarcc sensa ol cuì, i a ciamà cristià e la rassa l'è umana, ma i rèsta di fiöi de gabana.

Fufi...è il genere di nome che va a pennello ad un bastardino che troviamo in un fosso pieno di zecche e di spine, perché aveva un padrone galantuomo. A te sarebbe bastata una carezza, però hai dovuto fare il vagabondo, sporco di fango in compagnia dei bambini più birichini: mattacchione, andavi anche a messa. In chiesa, quieto nel primo banco hai fatto bestemmiare il nostro sacrestano: dalla rabbia ha le traveggole e perde la sacca delle elemosine. "Peccato-, dicevano- cosi amabile che sembra il cagnolino di S. Rocco, sia un po' troppo selvatico e abbia del lazzarone, gli ci vorrebbe un padrone un tetto fisso". E a forza di scodinzolare è arrivata la sistemazione in casa dello straccivendolo: i suoi bambini ti coccolano, ma babbo ti dà i calcioni... La mamma ti tratta meglio, però su di lei ho sentito dire che alleva i gatti per cucinarli in salmì, è brava anche a preparare i ravioli. Un giorno ti hanno caricato sulla jeep, sentivi i bambini piangere: "Fufi dov'è? perché non torna?" ma ti avevano già bell’e sperduto. E così hai attraversato una strada come facevi al paese, però sull'asfalto non si è vista la frenata, ti hanno investito con decisione. Lo scemo è al mare e ai suoi figli ha promesso: "Se state buoni vi trovo un bel cucciolo, il Fufi era un barbone, ma guai farlo dormire nel vostro letto...". Intanto pensava:"Se vado in vacanza lo abbandonerò vicino all’Adda, è meglio il canale che schiacciato su una strada, se muore non mi faccio venire il mal di pancia”. Vi faccio la morale alla fine ci sono in giro dei bastardi senza coda li chiamano cristiani e sono di razza umana ma rimangono dei gran figli di buona donna.