Bèrghem de profìl la te inamura,
adèss però bisogna dì skyline,
l’è piö tra i capitài “della cultura”
ma guai parlà come ol Giopì oramai...
Mé só gnorànt e in bergamàsch te scrìe
e stödie i paragù per fat unùr
incö i parole i stanta a fà i falie
e dighe dóma che te sét... ü bèl laùr...
De s-cèt ol mé orizónt l’era ol Linsù
piö grandelì in colegio a dìm i ure
l’era la us che egnìa del campanù
de sira i cólp i compagnàa i me pure...
Porta S. Giàcom ghe l’ó sèmper cara
la me regórda ol tép che s’và a muruse
de quate tenerèsse i turna a gala
lassö gh’è ‘na visiù che incanta i tuse,
i bèle s-cète, i bèle spuse.
E söi tò fiànch gh’è palassù de sàss
la compra i nì piö al vólt la borghesia
ü status symbol, magare per vantàs
mé so contét a ardàt sö la tò rìa;
ma quando i stóra i solite menade
fó ü salt in Piassa Ègia per stà mèi
e örèss per té inventà di serenade
che i sènt mia dóma de polenta e osèi.
Fó a sensa capitài de la cültüra
‘l nòs karma l’è la òia de laorà.
sta qualità de sècoi a la unura
i bergamàsch ch’i à facc de sta sità...
öna marvéa, “una meraviglia” per l’eternità...
[Apprezzamenti per Bergamo nelle varie lingue]
Pòta, ma i è gnoràncc... e anche rassisti. A’ che la aca là che la à in chèla cà là... anche i arabi i dis che Bèrghem l’è bèla eh... Desmètela de cönta sö i sbambossade:
Bèrghem. Bèrghem l’è söl sass
trist chi mör
e pègio chi nass.
|
Bergamo di profilo t’innamora
adesso però bisogna dire skyline
non è più tra le capitali della cultura
ma guai parlare come Gioppino ormai...
Io sono ignorante e ti scrivo in bergamasco
e studio i paragoni per farti onore
oggi le parole faticano a dare scintille
e dico solo che sei... una bella cosa...
Da ragazzo il mio orizzonte era il monte Linzone
più grandicello in collegio a dirmi le ore
era la voce che veniva dal Campanone
di sera i colpi accompagnavano le mie paure...
Porta S. Giacomo l’ho sempre cara
mi ricorda il tempo che si va per fidanzate
quante tenerezze tornano a galla
lassù c’è una visione che incanta le fanciulle,
le belle ragazze, le belle spose.
E sui tuoi fianchi ci sono palazzoni di sasso
compra i nidi più in alto la borghesia
uno status symbol, magari per vantarsi
io mi accontento di guardarti sulla tua salita;
ma quando non ne posso più delle solite menate
faccio un salto in Piazza Vecchia per star meglio
vorrei inventare per te delle serenate
che non sanno solo di polenta e uccelli.
Faccio a meno delle capitali della cultura
il nostro karma è la voglia di lavorare
questa qualità da secoli onora
i bergamaschi che hanno fatto di questa città
una meraviglia per l’eternità...
[Apprezzamenti per Bergamo nelle varie lingue]
Pòta, ma sono ignoranti... e anche razzisti. Guarda quella mucca là che va in quella casa là... anche gli arabi dicono che Bergamo è bella eh... Smettila di raccontare scemenze:
Bergamo è sul sasso
tristo chi muore
peggio chi nasce.
|