Strigòssa bèla

Bella vagabonda

E se i dis che te sé bèla come ol cül de la padèla l’è perché a ‘sti barlafüs ghe fà rabia ol tò bèl müs. Po’ mé màder la me dis che te signa fò i barbìs e mé pàder a l’ ribàt che faró la fì del rat ma per mé de dré denante gh’è nissü che tat l’incante. A pödì strigòssa bèla te farèss ol nì ‘n scarsèla per cuàt bèl tòch de gnòca piö asassina de la ciòca; spète dóma de incontràt ma se sirche de parlàt me dà fò öna malatia che se ciama l’aritmia e gh’ó ‘l cör che l’isgalòpa ma con d’öna gamba sòpa. Dopo sogne i tò belèsse sóta ol pis di mé caresse l’isberlüss ol bianch di décc i barbèi i è róss foghècc egne, cróde in di tò bras per desdàm con tat de nas söl piö bèl no l’ resta in gir che l rumur di mé söspìr. Rèste lé compàgn d’ü s-cèt móch a l’ varda ma no l’ crèd che ‘l gelato a l’ vule in strada sènsa olì gna öna lecada e l’ cór vià col temporàl e l‘istènta a sofegàl per i scale a l’ vusa e l’ciama pò zó a piàns in sé a la mama anche mé per ol magù só ‘n di stèsse condissiù e l’è inötel dàm de l’àsen perché sènte chèsto spàsem. Mé sigür che löcie mia anche quando che l’ me pìa sèrte dé che l’è tròp fórt a me ‘ngürerèss la mórt gh’ó ‘l reméde e l’è sigür sbat la crapa contra ol mür mè dosà però la fórsa: quàter méter de rincorsa. Dopo sògne i tò belèsse sóta ‘l pis di mé carèsse me barbèla töcc i décc quate crape! I è i parécc… I cór zó du fiöm del nas soleàt de quater bras cumudàt in de barèla pènse a té strigòssa bèla.

E se dicono che sei bella come il culo della padella è perché a questi superficialoni fa rabbia il tuo bel muso. Anche mia madre mi dice che ti spuntano i baffi e mio padre ribatte che farò la fine del topo ma per me dietro e davanti non c’è nessuno che tanto incanti. A potere bella vagabonda ti farei il nido in tasca per coccolarti bel pezzo di gnocca più assassina della sbronza; aspetto solo di incontrarti ma se cerco di parlarti mi dà fuori una malattia che si chiama l’aritmia e ho il cuore che galoppa ma con una gamba zoppa. Dopo sogno le tue bellezze sotto il peso delle mie carezze brilla il bianco dei denti le labbra sono rosso fuoco vengo, casco nelle tue braccia per svegliarmi con tanto di naso sul più bello non resta in giro che il rumore dei miei sospiri. Rimango lì come un ragazzo mogio guarda ma non crede che il gelato voli in strada senza volere neppure una leccata e corre via col temporale e fatica a soffocarlo per le scale grida e chiama poi giù a piangere in seno alla mamma anch’io per il magone sono nelle stesse condizioni ed è inutile darmi dell’asino perché sento questo spasimo. Io sicuro che non piango anche quando mi morde certi giorni che è troppo forte mi augurerei la morte ho un rimedio ed è sicuro battere la testa contro il muro bisogna dosare però la forza: quattro metri di rincorsa. Dopo sogno le tue bellezze sotto il peso delle mie carezze mi tremano tutti i denti quante teste! Sono i parenti… Scendono due fiumi dal naso sollevato da quattro braccia sistemato in barella penso a te bella vagabonda.