United colors of Bèrghem

In töte i poesie i à sèmper cantàt che Bèrghem vólta l'è ü sògn delicàt l'è öna sità de fa invidia al mónd però i dis mia la erità féna in fónt Lé i fà ol sò nì chi de la borghesia purtù seràcc sö chi gh'è dét se 'l sà mia se ölì capì con che zét 'ndì a 'mbociàss fì atensiù ai cà chi ména fò a spass. Bèrghem vólta de ché Bèrghem vólta de là mé sto bé al me paìs, a spiàt de lontà e de carosserìa te sé bèla e piö löstra de iér sul che adèss fra i tò müre nissü l'è nostrà e me sènte forestér. United colors of Benettòn Arlechì, ma de rasse, ciamàt melting pot e quan l'è sira l'è tat ol casòt che ol campanù se l' sènt piö a fà din don... Èrta e serada a segónt de l'urare l'è öna boutique föra de l'ordinare i è póche a i précc, sparìcc i artisà gh'è piö i macète, gh'è chi che se öl fà. Bèrghem vólta de ché Bèrghem vólta de là... Töcc i me soci adèss i dirà che 'l mónt a l'gira e che l'gh'à de cambià mé só convinto, car i me amis, che l'éra mèi troà lé sura ü paìs. Bèrghem vólta de ché Bèrghem vólta de là mé sto bé 'ndó che stó, a spiàt de lontà e de carosserìa te sé bèla e piö löstra de iér sul che adèss fra i tò müre nissü l'è a la mà e só mé ol piö forestér.

In tutte le poesie hanno sempre cantato che Bergamo Alta è un sogno delicato è una città da fare invidia al mondo intero però non dicono la verità fino in fondo. Lì fanno il loro nido i borghesi: portoni chiusi, chi c'è dentro non si sa; se volete capire con che tipo di gente potreste avere a che fare fate attenzione ai cani che portano fuori per il giretto. Bergamo Alta di qui Bergamo Alta di là io sto bene al mio paese a spiarti da lontano e di carrozzeria sei più bella e lucida di ieri solo che adesso tra le tue Mura nessuno è nostrano e mi sento forestiero. Colori uniti di Benetton Arlecchino, ma di razze, chiamato melting pot e di sera è tale la confusione che non si sente più il din don del campanone. Aperta e chiusa a seconda degli orari è una boutique fuori dall'ordinario: sono pochi persino i preti, spariti gli artigiani, non ci sono più le macchiette, ci sono quelli che vogliono farsi. Bergamo Alta di qui Bergamo Alta di là... Tutti i miei conoscenti adesso diranno che il mondo gira e che deve cambiare io sono convinto, cari i miei amici, che sarebbe stato meglio trovare lì in alto un paese. Bergamo Alta di qui Bergamo Alta di là io sto bene dove abito a spiarti da lontano e di carrozzeria sei più bella e lucida di ieri solo che adesso tra le tue Mura nessuno è alla bona e sono io il più straniero.