Sira

Sera

Ol sul a l' se prepara a tramontà e l' ciél a l'è öna festa de culùr söi machine che i turna del laorà i s'dögia l'orizónt i guidadur La lüna l'è amò smórta in del seré la stödia ol mónd co la sò facia piena de sèmper lé la passa fò de ché e töcc i ghe confida öna quach pena Ü dé compagn de incö la m'à grignàt a gh'ére intàgn sìe còcc, inemuràt... Ol cièl l'è sèmper chèl l'è amò compàgn de quando l'ìa foghét per mé e per lé I stèle i vé a la dé coi sò ricam la crèss la tentassiù de oltàss indré. Amùr esageràt: l'è dóls e l'pìa de quate béghe, lacrime e carèsse e göste féna in fónt la nostalgia de la stagiù di sògn di tenerèsse. Ol cör a l' vé mai vècc...lè pròpe ira, ma l'tép a l' cór e söbet a l'è sira...

Il sole si prepara a tramontare e il cielo è una festa di colori sulle macchine che tornano dal lavoro adocchiano l'orizzonte i guidatori. La luna è ancora pallida nel sereno studia il mondo con la sua faccia piena da sempre lei passa di qui e tutti le confidiamo qualche pena: un giorno come oggi mi ha sorriso avevo vent'anni ed ero cotto, innamorato. Il cielo è sempre quello è ancora identico a quando era in fiamme per me e per lei le stelle sopraggiungono con i loro ricami cresce la tentazione di voltarsi indietro. Amore esagerato, punge e morde quante beghe, lacrime e carezze e gusto fino in fondo la nostalgia della stagione dei sogni e delle tenerezze. Il cuore non invecchia mai, è proprio vero! ma il tempo corre ed è subito sera...