PIÉRO DE STABÈLL

Piero di Stabello

Ruggeri Pietro, Piéro de Stabèll, poeta de valùr, ma bortolì: te parle come a ü pàder,a ü fradèl perchè l'è stèss del tò pò a 'l mé destì... I à scrìcc che a fà i poeti a s'va 'n malùra zamò del tép che se parlàa in latì: adèss co i assessori a la cültüra a m'gh'avrèss piö de fà la stessa fì... Però a chi lé ghe préme che i a vóta i fà la röda, i strèmpia per fàs vèt figüret se i pèrd tép per ü dialèt che dé per dé a l' delégua góta a góta. Epör gh'è in giro amò in de Bergamasca ü quàch che per amùr e vocassiù sóta la sènder i té 'mpéss la brasca de 'sta parlada coi sò tradissiù... Perchè? gh'è mia ü perchè, perchè de sé! Ól cör a l' gh'à resù a la sò manéra: de spèss a l'sènt l'invìs de oltàss indré, l'isbaglia, ma la scelta l'è sincera. E forse l'è per chèl che fó ol bambòss: cante 'n di piasse, scrìe, me dó de fà, compàgn che t'é facc té per i Camóss e per i nòbei chi te dàa ol disnà. O Piéro de Stabèll, vero poeta, te l’é finida mal però la éta... te séret regondìt come ü barbù in giro a vènt i quàder söi cantù. A gh'éra piö nissù che te dàa a trà: i siur Camóss la Patria i gh'éra in mènt... (la éta i a ris-ciàt per l'Unità sensa i ciocàde che i fa ‘sto momènt). Té, la tò patria l'éra sö a Stabèll, ü nòm, tat per fà rima 'n di poesie: la patria l'ìa töss fò d'ògne bordèll e scrìf e tramandà i tò fantasie. Ma a comandà i è stàce i baionète... prim di panse i ha 'nfilsàt sö i pensér de chi che preferìa té in mà i forchète invece de copà di forestér. I forchète che i se ciamàa pirù quando te declamàet i tò poemi e i Margì i saltàa fò del balcù... adèss a l' salta fò nóma i problemi. Ol prìm a l'resta chèl de fàs capì (me tóca sèmper mèt la tradüssiù): i ha scancelàt la lèngua del Giopì... chi bröcc giupì de la televisiù... Pò a té 'n d'ü tràcc i t'ha bötàt ivià : quando l'è riàda Chèla de la ranza sul ön amìs a l' te tegnìa la mà, i Camóss i éra in villa zó a la Ranga pié de magù e de àmpia per l'Italia che 'n có d'ün an l'avrèss dervìt i ale fò de la gabia 'ndó che l'éra a balia: té te mürìet per l'asma catarrale... Nissü di caporioni al föneràl. Dopo però gh'è stàcc di pentimèncc: l'è dopo mórt che i pensa a chèi che àl, adèss gh'è 'n giro 'nféna i monümèncc... Ruggeri Pietro, Piéro de Stabèll, du sècoi i è passàcc e offèndes mia se a Bèrghem ol tran tran a l'è amò chèl: ma gh'è i eredi de la tò poesia.

Ruggeri Pietro, Piéro di Stabello, poeta di valore, ma bortolino: ti parlo come ad un padre, ad un fratello perchè è simile al tuo anche il mio destino. Hanno scritto che a fare i poeti si va in malora fin dal tempo in cui si parlava in latino: adesso con gli assessori alla Cultura non dovremmo più fare la stessa fine. Ma a quelli sta a cuore solo di essere votati fanno la ruota, si agitano per farsi notare figurati se hanno tempo da perdere per un dialetto che, giorno dopo giorno, si scioglie goccia a goccia. Eppure c'è ancora qualcuno in quel di Bergamo vuoi per amore o per vocazione che tiene accesa, sotto la cenere, la brace di questa parlata con le sue tradizioni. Perché? non c'è un perché, perché di sì! Il cuore ha ragione a modo suo: spesso sente l'impulso di guardare indietro sbaglia, ma la scelta è sincera. E forse è per questo che faccio l'istrione: canto nelle piazze, scrivo, mi do da fare, come hai fatto tu per i Camozzi e per i nobili che ti davano il pranzo. O Piero di Stabello, vero poeta, hai finito male la tua esistenza... eri ridotto come un barbone in giro a vendere quadri agli angoli delle strade. Nessuno più ti dava retta: quei gran dei signori Camozzi avevano in mente la Patria (hanno rischiato la vita per l'unità d'Italia senza la retorica dei nostri giorni). Tu, la tua patria, era su a Stabello, un nome che andava giusto bene per far rima nelle tue poesie: la patria era stare alla larga dai casini, e scrivere e tramandare le tue fantasie. Ma a comandare sono state le baionette: prima delle pance hanno infilzato i pensieri di quelli che preferivano impugnare le forchette invece di ammazzare forestieri. Le forchette che si chiamavano pirù quando declamavi i tuoi poemi e le Margì si affacciavano al balcone... adesso saltano fuori solo i problemi. Il primo rimane quello di farsi capire (devo sempre mettere la traduzione): hanno cancellato la lingua di Gioppino quei buffoni della televisione. Tutto a un tratto hanno buttato via anche te: quando è arrivata la Signora della falce solo un amico ti teneva la mano, i Camozzi erano in villa a Ranica pieni di tristezza e di apprensione per l'Italia che in capo ad un anno avrebbe aperto le ali fuori dalla gabbia dov'era a balia: tu morivi di asma catarrale. Nessuno dei capoccia al funerale. Dopo, però, si sono pentiti: è dopo la loro morte che si ricordano di quelli che valgono, adesso ci sono in giro persino i monumenti. Ruggeri Pietro, Piero di Stabello, due secoli sono passati e non offenderti se a Bergamo il tran tran è sempre lo stesso: ma ci sono gli eredi della tua poesia.