|
De quando che ó snissàt la quarantina
che sgrìsoi se ghe pènse ai agn che và;
söi spale sènte i dagn che i me cömbina,
a l' sarèss bèl fermàss a chèsta età...
però fà turnà ché töte i persune
che i m'à ölìt bé,
che mé gh'ó ölìt gran bé
sènsa la pura amò che i me bandune
e regordà con lure i tép indré.
Ol cör a l' viàsa, a l' viàsa e 'ndó che l' rìa
a l' tróa passiù e speranse sofegade:
só ü s-cèt, gh'ó i braghe lise e 'mpó sberlade
gh'è impéss ol föch, la cà l'è in alegrìa;
la nóna la manèsa 'l göminsèl
mé tègne la matassa coi brassì
a l'éra ü zöch, ü tràfech pròpe bèl,
ma me stöfàe ü tòch prima de la fì...
Stanòcc, stanòcc in sògn te spète nóna,
(matasse ghe n'è amò),
con té de quace gróp desbroierèss:
bèla , maestùsa, savia come la Madóna
epör te séret buna gna de lèss.
Só prónt a dì sö ol pàter come alura,
(l'è tàt che l' dìghe piö),
però, ma söbet dòpo cöntem sö
la stòria del Gioanì: òm sènsa pura,
col có sö i tò zenöcc,
intàt che 'l sónch a l' vé a seràm zó i öcc...
|
Da quando ho inaugurato la quarantina
che brividi se penso agli anni che se ne vanno;
sulle spalle sento i danni che mi combinano,
sarebbe bello fermarsi a questa età...
però far ritornare qui tutte le persone
che mi hanno voluto bene,
e a cui io voluto un gran bene
senza la paura di essere di nuovo abbandonato
e ricordare con loro il bel tempo che fu.
Il cuore viaggia, viaggia e dove arriva
trova passioni e speranze soffocate:
sono un ragazzo, ho i pantaloni lisi e un poco rotti
il fuoco è acceso, la casa è in allegria;
la nonna manipola il gomitolo
io tengo la matassa con i braccini
era un gioco, un impegno davvero bello,
ma mi stancavo molto tempo prima della fine...
Questa notte, questa notte in sogno ti aspetto nonna,
(matasse ce ne sono ancora),
con te quanti nodi sbroglierei:
bella, maestosa, buona come la Madonna,
eppure non eri nemmeno capace di leggere.
Son pronto a recitare le preghiere come allora,
(è da tanto tempo che non prego più),
però, subito dopo raccontami
la storia di Giovannino: uomo senza paura,
con la testa sulle tue ginocchia,
mentre il sonno viene a chiudermi gli occhi...
|