Dét in de Mórla

gh’è öna barchèta

‘ndóm Enrichèta

‘ndóm a remà;

sura ste aque

de la Ziziöla

te daró scöla

per fàla ‘ndà.

Sura la Mórla

‘ndóm a remà.

L’è biànch la lüna

e i panisèi

chi tò ögì bèi

i me fà tremà:

stà ferma in barca

o sö la sponda

varda che ön’onda

me fà negà…

Sèntet di scòsse

bèla Enrichèta

l’è la barchèta

che völ fondà

stremésset miga

che l’è negóta

biv öna góta

de sto mistrà.

Se l’ manca ol mar

pò a la lagüna

gh’è lé la lüna

dré d’la sità;

giüre sö i aque

del Sanguanì

che ‘l tò Giopì

a l’ te spuserà.

Sura la Morla

‘ndóm a remà

(Dentro la Morla / c’è una barchetta / andiamo Enrichetta / andiamo a remare; / sopra queste acque della Diziola / ti darò scuola per farla andare / sura la Morla andiamo a remare. / È bianca la luna / e i pannicelli / quei tuoi occhi belli / mi fanno tremare: / sta ferma in barca / o sulla sponda / guarda che un’onda / mi fa annegare… / Senti delle scosse / bella Enrichetta / è la barchetta / che vuole affondare / non spaventarti che non è niente / bevi un goccio / di anisetta. Se manca il mare / e la laguna / c’è la luna dietro Città Alta; / giuro sulle acque del Sanguanì / che il tuo Gioppino ti sposerà. / Sopra la Morla andiamo a remare).