LA BEPINA

La Peppina

Töcc i enerdé d' matina a Put a gh'è ol mercàt alùra la Bepina la sèra de fò ol gat gran brao de fà i desprése e via, la va a fà i spese. Ormai se la conòss intàt che la va glià la tira fò ol scartòss col sò michèt de pà finìt ol pà l'è orare che la 'nvìa sö 'l rosare. E a pass de ave Maria l'è a Put al quint mistero dessura de la rìa apröf al cimitero in fónta a la discesa la taca a fa la spesa. Però per contentala che sórt de tribölà per fórsa mè scoltala l'è ché per tègn a mà la dìs che i bütighér robà l'è 'l sò mestér: “I crèss compàgn che i völ! ardì ol Pierì Stopàcc, che l' gh'era gnà 'l fassöl de fregà zó ol macàcc: adèss co la butìga l'è scior e no l' fadìga”. Compàgn de töte i mède ghe pias a criticà per tègn molàt la lèngua la gh'à de zabetà... l'è 'ndacia a tö pò a 'l pèss la borsa intàt la crèss. "Ma cara ù sì car 'ndó gh'ìf pò la cossiensa" «Ma siura, 'ndèm, me par...» «Piötòst a rèste sensa!» «Me par che piö de issé nissü a l' ve tire indré; l'è lana de bessòt credìf che 'ndó a robà? Lassàla a méla e òtt la böterèss ivià...» «Ma la sömèa 'l bombàss, l'è buna per i strass!» La va de chèl di póm che l' vusa. "Dòne, s-cète, i è söche, mìga póm, -e l' fà tremà i cassète- ardì sciùra Bepina che bèi, neh, stamatina..." Ma lé, 'sta permalusa, la tira fò i ögiài e 'ntàt che l' socio a l' vùsa: "Spuse, vegnì a comprài!" i a palpa e rüga töcc che l' par la sìrche i piöcc. La s-ciòpa adèss la borsa e l' ciòca zó ol mesdé, mè turnà indré de corsa, l'è lónga a fala a pé, per guadagnà dés ghèi: chilometri e basèi. Lassémla lé a possà... l'è pròpe straca mórta, la s'è infilada 'n cà la gnà seràt la pórta e l' la capìda a 'l gat:"L'è egnìda del mercàt...".

Tutti i venerdì mattina a Ponte S. Pietro c'è il mercato allora la Peppina chiude fuori casa il gatto: specialista nel combinare guai e via, va a far le spese. Ormai la conoscono tutti: mentre va in là tira fuori il cartoccio con la sua brava michetta, finito il pane, è ora di avviare il rosario. E a passo di ave Maria è a ponte al quinto mistero: sopra la salita, vicino al cimitero, in fondo alla discesa comincia a fare la spesa. Però, per accontentarla che razza di tribolare... per forza bisogna darle retta è qui per risparmiare, è noto che i bottegai rubare è il loro mestiere. "Aumentano i prezzi come gli gira... guardate il Pierino Stopacci che non aveva neppure il fazzoletto per pulirsi il muco, adesso con la bottega è ricco senza faticare". Come tutte le zitelle le piace criticare: per tenere la lingua affilata deve spettegolare... la borsa intanto cresce è andata a prendere il pesce. "Ma caro voi, siete caro! dove l'avete la coscienza..." "Ma signora, andiamo, mi pare..." "Piuttosto resto senza!" "Mi pare che più di così nessuno può ribassare; è pura lana, credete che vada a rubare? se la lasciassi a mille e otto la butterei via..." "Ma sembra bambagia va bene per gli stracci!". Va da quelle delle mele che strilla: "Donne, ragazze, sono zucche, non mele! -e fa tremare le cassette- guardate signora Peppina che belli, neh, stamattina...". Ma lei, 'sta permalosa, tira fuori gli occhiali e mentre il tipo urla: "Spose, venite a comperarle!" le tasta e smuove tutte come se cercasse i pidocchi. Adesso la borsa scoppia e suona mezzogiorno, bisogna tornare indietro di corsa, è lunga farla a piedi, per risparmiare una manciata di quattrini: chilometri e gradini. Lasciamola riposare... è proprio stanca morta, si è infilata in casa senza chiudere la porta e l'ha capito persino il gatto: "'E tornata dal mercato...".